المهارة دى قليل جدًا حد بيتكلم عنها
رغم إنها سبب إن ستارتبس كتير بتفشل قبل ما حتى تبدأ تكبر
المهارة هي “ابدأ بالجزء الأخطر”
فى البزنس والماركتينج وحتى المنتجات الرقمية
أول ما تيجي فكرة جديدة أو مشروع جديد… بيكون الإغراء إننا نبدأ بالجزء السهل أو المريح
الـ Design الشيك، الفيديوهات الحلوة، أو حتى ترتيب الديكور
(تعبير وجه ملامح استغراب)
بس الحقيقة إن ده بيخلينا نصرف وقت وفلوس على حاجات شكلها حلو… بس ممكن نكتشف بعد شهور إنها ما كانتش هتنجح أصلاً
الكتاب بيشرح إنك لازم تحدد من الأول إيه هو الجزء أو الفرضية اللي لو فشلت… المشروع كله هيفشل معاها
وده هو الـ Riskiest Part
– ممكن يكون الميزة الأساسية في المنتج (Core Feature)
– أو إن الناس أصلًا مستعدة تدفع فلوس
– أو حتى إن في طريقة فعلاً توصل بيها للعملاء بسعر اكتساب معقول
الخطوات بسيطة:
حدد الخطر الأكبر أو الفرضية الأساسية اللى لو وقعت المشروع يقع
اعمل نسخة صغيرة (MVP) تختبر الفرضية دي بس
اختبرها بأسرع وقت وأقل تكلفة
لو عدت الاختبار – كمل، لو فشلت – أنت وفرت على نفسك شهور ضياع
ده نفس المبدأ اللي بيستخدمه أكبر الشركات فى اختراق النمو، من Airbnb لDropbox، عشان يعرفوا بدري إذا كانوا على الطريق الصح ولا بيبنوا قصر على رملة.
لو عايز أشاركك Check-List بالعربي تطبق بيها المبدأ ده على أي فكرة أو حملة… سيب كومنت بكلمة “خطر” وهبعتلك كل التفاصيل
المصدر: كتاب Hacking Growth
المؤلفان: Sean Ellis و Morgan Brown
تصفح اهم مصادر الجروث هاكينج بالعربي
