المهارة دى محدش بيتكلم عنها كفايه في الوطن العربى
رغم إنها الفرق بين منتج الناس بتحبه وبتدافع عنه، ومنتج تانى بيختفى بعد شوية مهما صرفت عليه إعلانات.
المهارة هى: إزاي تبنى عرض (Offer) يخلى العميل يحس إنه لازم يشتريه… قبل ما تفكر فى السعر.
فيه قاعدة أساسية فى الجروث هاكينج:
قبل ما تدوس بنزين فى التسويق، لازم المنتج نفسه يكون “لا غنى عنه”. يعنى إيه؟ بيسموها نظرياَ وصل لـProduct Market Fit
يعنى يوصل العميل لـ “لحظة الإدراك”… اللحظة اللى يكتشف فيها الفايدة الحقيقية من المنتج، ويحس إنه حياته هتكون أحسن بيه او مايقدرش يستغنى عنه .
اللحظة دى هى اللى بتحول المستخدم العادى لسفير للمنتج.
ليه العرض اهم من السعر
شركات كتير وقعت لأنها ركزت على النمو قبل القيمة:
BranchOut انتشر بسرعة بفضل حيلة ذكية فى الدعوات… بس وقع لأنه ما قدّمش فايدة حقيقية.
Everpix كان منتج ممتاز بمعدل تحويل عالى، لكنه ما عرفش يحوّل القيمة دى لربح، فانتهى مشواره.
وعلى الناحية التانية، فيه أمثلة لنجاح ساحق لما العرض كان ذكى ومربوط بالقيمة:
Dropbox كسرت الدنيا ببرنامج إحالة بسيط… مساحة تخزين إضافية للعميل، بتكلفة شبه صفر للشركة.
عروض ذكية بتستغل “فجوة البنس”: منتج مجانى أساسى، مع مميزات مدفوعة بتحقق أرباح ضخمة… زى تطبيق 7 Minute Workout.
دى كلها أمثله من داخل كتاب هاكينج جروث Hacking Growth
انت اكيد تقدر تخمن حاجات مشابهة من الواقع حواليك
والسعر؟
أوقات بيكون إشارة للجودة مش العكس.
تجربة Qualaroo لما رفعوا السعر جذبت عملاء أكبر وأقوى لأن السعر كان بيعكس جودة أعلى.
الخلاصة
فى الأونلاين بيزنس ، العرض هو الملك.
لو عملت عرض يخلّى العميل يحس إنه كسبان أكتر مما بيدفع، هتقدر تتحكم فى السعر وتبنى نمو حقيقى.
وبعدها، توظف مبادئ الإقناع الستة لروبرت سيالدينى—من الندرة للإثبات الاجتماعى—عشان تخلى عرضك Irresistible.
أعـرف أكتـر منين ” المصادر ” ؟
تخيل أن أشهر وأكتر كتاب مبيعاَ فى العالم فى الأونلاين بيزنس هو عن صناعة ” عروض Offer لا تقاوم ”
إسمه $100M Offers للكاتب Alex Hermozi
إزاى تصنع عروض يشعر جمهورك بالغباء لما يقول ليها لأ
النوع ده من الكتب مش مناسب ليها انك تطالع ملخص ليها .. وقرائتها مره واحده مش بيكفى
إنت محتاج دفتر ملاحظات وترسم لنفسك خريطه ذهنية
وتتأكد انك بقيت ملم بكل عناصره .. الكاتب أليكس هيرموزى بيتكلم عن صناعة عروض بـ100 مليون دولار
ف تصرف على قدر الحدث ..
ممكن تستخدم أداة NOTEBookLM من جوجل فى انك تكشف الكتاب اسرع عن طريق الملاحظات والخرائط الذهنية
لو عملت عرض يخلّى العميل يحس إنه كسبان أكتر مما بيدفع، هتقدر تتحكم فى السعر وتبنى نمو حقيقى.
بالتوفيق
